StAAG Muri-Urkunden/3

Aus Muri
Zur Navigation springen Zur Suche springen

Urkunde vom 13. April 1139

Beschreibung

Papst Innozenz II. bestätigt die Rechte des Klosters.

Text

Innocentius episcopus servus servorum Dei dilecto filio Rozelino Abbati Murensis Monsterii, quod in Episcopatu Constantiensi in pago Argowi situm, in honorem Beati Martini esse cognoscitur, ejusque Successoribus regulariter substituendis.

In P P M. Piae postulatio voluntatis debet effectu prosequente compleri, ut devotionis sinceritas laudabiliter entescat, et utilitas postulata vires indubitanter assumat. Ea propter dilecte in Domino Fili Rozeline Abbas tuis rationabilibus postulationibus gratum praebentem assensum. Murense Monasterium, cui auctore Domino prasides Apostolicae Sedis privilegio communimus. Statuentes ut quascumque possessiones, quaecumque bona idem Coenobium praesentiarum juste et legitime possidet, aut in futurum concessione Pontificum, largitione Regum vel Principum, oblatione fidelium, seu aliis justis modis auxiliante Domino poterit adipisci firma vobis in perpetuum et illibata permaneant. Cofirmamus etiam vobis quaecumque eidem loco a Fratre nostro Wernhario Argentinensi Episcopo, et ejus Nepote Wernhero Comite de Habekspug eorumque consanguineis collata sunt. Qui nimirum idem Coenobium de suis rebus fundasse noscentur: atque omnino vinculo apolstolicae dignitatis illud si quis temerario ausu hoc quid ipsi cum magna devotione fecerunt, infringere vellet, firmaverunt. Liceat insuper vobis ad utilitatem et servitium vestri loci advocatum constituere. Et nullus ibi aliquo tempore statuatur, nisi quem vos communi fratrum vestrorum consilio eligere decreveritis. Obeunte vero te nunc eiusdem loci Abbate, vel tuorum quolibet Successorum, nullus inibi qualibet surreptionis astutia seu violentia praeponatur, nisi quem fratres communi consensu, vel pars consilii sanioris secundum DEI timorem et Beati Bendicti Regulam praeviderint eligendum. Decernimus ergo ut nulli omnino hominum liceat praefatum Cenobium temere perturbare, aut ejus praedia seu possesiones auferre, vel ablatas retinere, minuere, aut aliquibus vexatationibus fatigare, sed omnia integra conserventur, eorum pro quorum sustentatione et gubernatione concessa sunt, usibus omnimodis profutura. Si quis igitur Archiepiscopus, Episcopus, Imperator, Rex, Dux, Marchio sue quaelibet Ecclesiastica Secularisve persona hanc nostrae constitutionis paginam sciens contra eam temere venire temptaverit, secundo tertiove commonita si non congrue satisfecerit, potestatis, honorisque sui dignitate careat, reamque se divino Judicio existere de perpetrata iniquitate cognoscat, atque in extremo examine districtae ultioni subjaceat. Cunctis autem loco sua jura servantibus sit Pax Domini Nostri JESU Christi. Quatenus et hic fructum bonae actionis percipiant, et apud districtum Judicem praemia aeternae pacis inveniant. Amen.

  • (R.) Ego Innocentius Catholicae Ecclesiae Episcopus etc.
  • † Ego Lucas presbiterus Cardinalis tituli Sanctorum Joannis et Pauli etc.
  • † Ego Crisogonus presbiterus Cardinalis tituli Sanctae Praxedis etc.

Datum Laterani per manum Almerici Sanctae Romanae Ecclesiae diaconi Cardinais et Cancellarii Ibidem A pl. Indictione II. Incarnationis Dominicae Anno M.C.XXXVIIII. Pontificatus vero Domini Innocentii PP. II. Anno X.

Murus et antemurale, Geistliche Befreyungen, S. 4

Standort und Signaturen

Editionen

  • Benedikt Studer (Hrsg.): Murus et antemurale, oder Muri und seine Vormaur. gedruckt in dem fürstlichen Gotthauss Mury, Mury 1720, S. 4 (Geistliche Befreyungen).

Regesten

  • Heinrich Kurz und Placidus Weissenbach (Hrsg.): Beiträge zur Geschichte und Literatur, vorzüglich aus Archiven und Bibliotheken des Kantons Aargau. Erster Band. H. R. Sauerländer, Aarau 1846, S. 128, Nr. 3.
Von «https://www.muri-gries.ch/mediawiki/index.php?title=StAAG_Muri-Urkunden/3&oldid=21461»