StAAG Muri-Urkunden/7

Aus Muri
Zur Navigation springen Zur Suche springen

Urkunde vom 18. März 1179

Beschreibung

Papst Alexander III. nimmt das Kloster Muri unter apostolischen Schutz und bestätigt seine Rechte.

Text

Alexander episcopus, servus servorum dei, dilectis filiis Anselmo abbati monasterii sancti Martini Murensis eiusque fratribus tam presentibus quam futuris regularem vitam professis in perpetuum.

His, qui postpositis secularibus desideriis voverunt in religionis habitu debitam domino servitutem dependere, propensius apostolicum debet adesse suffragium, no cuiuslibet temeritatis incursus aut eos a proposito revocet aut robur, quod absit, sacre legionis infringat. Eapropter, dilecti in domino filii, vestris iustis postulationibus clementer annuimus et prefatum monasterium, in quo divino estis obsequio mancipati, sub beati Petri et nostra protectione suscipimus et presentis scripti privilegio communimus, inprimis siquidem statuentes, ut ordo monasticus, qui secundum deum et beati Benedicti regulam in eodem monasterio institutus esse dinoscitur, perpetuis ibidem temporibus inviolabiliter observetur. Preterea, quascumque possessiones, quecumque bona idem monasterium inpresentiarum iuste et canonice possidet aut in futurum concessione pontificum, largitione regum vel principum, oblatione fidelium seu aliis iustis [modis] prestante domino potent adipisci, firma vobis vestrisque successoribus et illibata permaneant. In quibus hec propriis duximus exprimenda vocabulis: ecclesiam Boches, ecclesiam Stagnes, ecclesiam Riskc, ecclesiam Chussenacho, ecclesiam Agetiswilare, ecclesiam Tellewila, ecclesiam Rordorf, ecclesiam Tershowo, ecclesiam Eginwilare, ecclesiam Cozlincholn, ecclesiam Urtechun, ecclesiam Stallinchon, quintam partem decimarum in ecclesia Rordor, quartam partem decimarum in ecclesia Stallinchon, duodecimam partem decimarum in ecclesia Re[infris]wilare, vicesimam partem decimarum in ecclesia Surse, predium Gershowo cum pertinentiis suis, predium Spreitembhach, pro quo redduntur vobis septem pelles hircine. Predium Bochs cum pertinentiis suis, predium Chussenhcho cum pertinentiis suis, predium Gangolfswilare, predium Tereshpac, in Walterata novem mansos, predium Halinchon cum pertinentiis suis, predium Wicwilare cum pertinentiis suis, predium Schonuntullun, predium Gepenowo cum pertinentiis suis, predium Chalpac, predium Wilperc, predium Cholunbare, predium Cholunbronwo, predium Chuitingen, predium Tintinchon, predium Haclingin, predium Totinchon, predium Talheim, predium Rifferswilare, predium Rotwilare cum pertinentiis suis, predium Pellinchon cum pertinentiis suis, predium Urdorf, predium Srettembbch, predium Tellewilare cum pertinentiis suis, predium Winzile, parrochialem ecclesiam Mure cum tribus capellis Hermontswilare, Bozwillo, Wolon, sicut predicte ecclesia et capelle victui et vestitui vestro sunt rationabiliter deputate et vos eas inpresentiarum habere noscimini. Insuper etiam auctoritate vobis presentium indulgemus, ut, si advocatus vester advocationis iura transgressus in vos et in monasterium vestrum aut in ea, que ad ipsum monasterium pertinent, exactiones indebitas exercuerit et alias se gravem vobis exhibuerit et inutilem, nisi commonitus resipuerit, liceat vobis alium advocatum eligere, per quem iura ipsius monasterii conserventur melius illibata et a malefactorum rapinis et violentiis defendatur. Sepulturam quoque ipsius loci liberam esse concedimus, ut eorum devotioni et extreme voluntati, qui se illic sepeliri deliberaverint, nisi forte excommunicati vel interdicti sint, nullus obsistat, salva tamen iustitia illarum ecclesiarum, a quibus mortuorum corpora assumuntur. Cum autem generale interdictum terre fuerit, liceat vobis clausis ianuis, non pulsatis campanis, exclusis interdictis et excommunicatis suppressa voce divina officia lebrare. Obeunte vero te nunc eiusdem loci abbate vel tuorum quolibet successorum nullus ibi qualibet subreptionis astutia seu violentia preponatur, nisi quem fratres communi consensu vel fratrum pars consilii sanioris secundum dei timorem et beati Benedicti regulam providerint eligendum. Decernimus ergo, ut nulli omnino hominum liceat prefatum monasterium temere perturbare aut eius possessiones auferre vel ablatas retinere, minuere seu quibuslibet vexationibus fatigare; sed omnia integra et illibata serventur, eorum, pro quorum gubernatione ac sustentatione concessa sunt, usibus omnimodis profutura, salva sedis apostolice auctoritate et dyocesani episcopi canonica iustitia. Ad indicium autem huius a sedo apostolica percepte protectionis aureum unum nobis nostrisque successoribus annis singulis persolvetis. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo tertiove commonita nisi reatum suum digna satisfactione correxerit, potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu Christi aliena fiat atque in extremo examine districte ultioni subiaceat. Cunctis autem eidem loco sua iura servantibus sit pax domini nostri Iesu Christi, quatinus et hic fructum bone actionis percipiant et apud districtum iudicem premia eterne pacis inveniant. Amen. A—. Amen.

  • (R.) Ego Alexander catholice ecclesie episcopus ss. (M.)
  • † Ego Hubaldus Hostiensis episcopus ss.
  • † Ego Iohannes prbr. card. sanctorum Iohannis et Pauli tituli Pamachii ss.
  • † Ego Iohannes prbr. card. tt. sancte Anastasie ss.
  • † Ego Iohannes prbr. card. tt. sancti Marci ss.
  • † Ego Arduinus prbr. card. tt. sancte crucis Ierusalem. ss.
  • † Ego Iacobus diac. card. sancte Marie in Cosmidyn ss.
  • † Ego Ardicio diac. card. sancti Theodori ss.
  • † Ego Laborans diac. card. sancte Marie in porticu ss.
  • † Ego Gratianus diac. card. sanctorum Cosme et Damiani ss.
  • † Ego Matheus sancte Marie nove diac. card. ss.

Datum Laterani per manum Alberti, sancte Romane ecclesie presbyteri cardinalis et cancellarii, XVo kal. Apr., indictione XIIa, incarnationis dominice anno M.C.LXX.VIII, pontificatus vero domni Alexandri pape III. anno eius XX.

Urkundenbuch der Stadt und Landschaft Zürich, 1. Bd., S. 209ff.

Standort und Signaturen

Editionen

  • Benedikt Studer (Hrsg.): Murus et antemurale, oder Muri und seine Vormaur. gedruckt in dem fürstlichen Gotthauss Mury, Mury 1720, S. 11 (Geistliche Befreyungen).
  • Jacob Escher und Paul Schweizer (Hrsg.): Urkundenbuch der Stadt und Landschaft Zürich. Band 1. Zürich 1888, S. 209–211, Nr. 334.

Regesten

  • Heinrich Kurz und Placidus Weissenbach (Hrsg.): Beiträge zur Geschichte und Literatur, vorzüglich aus Archiven und Bibliotheken des Kantons Aargau. Erster Band. H. R. Sauerländer, Aarau 1846, S. 129, Nr. 7. Mit der Jahresangabe 1178
Von «https://www.muri-gries.ch/mediawiki/index.php?title=StAAG_Muri-Urkunden/7&oldid=21688»